पंचवटीत अतिक्रमणे हटविली; मोहीम सुरू राहणार
पंचवटी विभागातील मालेगांव स्टँड परिसरातील सीटीएस क्र. 5877 मधील सिध्दी टॉवर्स मधील वाहनतळाच्या जागेतील 1. दिशा व्हेज नॉनव्हेज चायनिज यांचे सु. 2.50 मी × 6.00 मी. मापाचे दुकान 2. सियान इंजिनीयर्स वर्क्स यांचे सु. 4.50 मी × 7.50 मी. मापाचे दुकान, 3.सियान रोलींग शटर्स यांचे सु. 9.00 मी × 3.00 मी. मापाचे दुकान 4. कोहली एंटरप्रायजेस यांचे सु. 3.00 मी × 7.00 मी. मापाचे दुकान 5. गुरुनानक ऑटोमोबाईल्स यांचे सु. 3.00 मी × 3.00 मी. मापाचे पक्कया स्वरुपाचे विटबांधकामात असलेले दुकाने हटविण्यात आले.
तसेच मालेगांव स्टँड येथील मनपा मालकीच्या पार्कींगच्या जागेतील आरक्षण क्र. 489 अ व क मधील न्यु पंजाब हॉटेल यांचे तळघरातील 20 × 20 मी. पत्र्याचे शेड, 10 × 5 मी. मापाचे पक्क्या स्वरुपाचे गाळे, 5 × 8 मी. मापाचे पक्क्या स्वरुपाचे शटर असलेले गाळे, लोखंडी कमान व जत्रा हॉटेल येथील महामार्गा लगत असलेल्या 2 पत्र्याचे दुकाने हटविण्यात आली.
यापूढे सहाही विभागांमध्ये ना-फेरीवाला क्षेत्र, सार्वजनिक रस्ते, फुटपाथ, चौक इ. ठिकाणी अतिक्रमणे करुन व्यवसाय करणारे भाजीविक्रेते, फळविक्रेते, हॉकर्स, टपरीधारक व इतर तत्सम व्यावसायिक यांचेविरुध्द अशाच प्रकारची कडक कारवाई करुन प्रसंगी पोलीस विभागात गुन्हे देखील दाखल करणेत येतील, याची सर्व संबंधीतांनी नोंद घ्यावी, असे आवाहन नाशिक मनपाने केले आहे.