‘धर्मवीर’ या चित्रपटातून आनंद दिघे यांचे कार्य प्रेक्षकांसमोर आणले. पण त्यांचे काम एवढे मोठा आहे की एका चित्रपटात दाखवू शकत नाही
मुंबई, दि. २१ : गुरुपौर्णिमेच्या पूर्वसंध्येला गुरूचे माहात्म्य सांगणाऱ्या ‘धर्मवीर २ – साहेबांच्या हिंदुत्वाची गोष्ट…’ धर्मवीर २ या चित्रपटाचा ट्रेलर प्रदर्शित करण्यात आला. या चित्रपटाच्या माध्यमातून धगधगता भूतकाळ प्रेक्षकांसमोर सादर केला जाणार आहे. आनंद दिघे यांच्या पावलावर पाऊल टाकून नाही तर त्यांच्या जीव ओतून काम करण्याचा कृतीनुसार आम्ही प्रयत्न करत आहोत. हिंदुत्वाचे नाही तर संपूर्ण समाजाचे रक्षण आनंद दिघे यांनी केले असल्याचे मत मुख्यमंत्री एकनाथ शिंदे यांनी व्यक्त केले. या सोहळ्याला उपमुख्यमंत्री देवेंद्र फडणवीस, विधानसभा अध्यक्ष राहुल नार्वेकर, मुंबई उपनगर जिल्ह्याचे मंगलप्रभात लोढा, भाजप मुंबई प्रदेशाध्यक्ष आशीष शेलार, खासदार श्रीकांत शिंदे, अभिनेता सलमान खान, जितेंद्र, महेश कोठारे, अशोक सराफ, गोविंदा आदी उपस्थित होते. हा चित्रपट ९ ऑगस्ट रोजी मराठी आणि हिंदी भाषेत प्रसिद्ध होणार आहे. ‘धर्मवीर’ या चित्रपटातून आनंद दिघे यांचे कार्य प्रेक्षकांसमोर आणले. पण त्यांचे काम एवढे मोठा आहे की एका चित्रपटात दाखवू शकत नाही म्हणून दुसरा भाग काढल्याचे मुख्यमंत्री एकनाथ शिंदे यांनी सांगितले.
