यावेळी आरोपी रेड्डीने ही संधी साधून दोन्ही मुलींवर लैंगिक अत्याचार केले.
पुणे, दि.३ : राज्यात बदलापूर प्रकरण ताजे असतांना देखील मुलींवरील अत्याचार कमी होण्याचे नाव घेत नाही. बुधवारी पुण्यात वानवडी येथे एका स्कूलबस चालकाने शाळेतील दोन अल्पवयीन मुलींवर व्हॅनमध्ये लैंगिक अत्याचार केल्याचं उघड झालं आहे. या घटनेमुळे संताप उठला असून मुलींनी याची माहिती पालकांना दिल्यावर या प्रकरणी वानवडी पोलिस ठाण्यात स्कूल व्हॅन चालकावर गुन्हा दाखल करण्यात आला आहे.संजय जेटिंग रेड्डी (वय ४५, स्कूल व्हॅन चालक, रा. वैदवाडी हडपसर) असे आरोपीचे नाव आहे. ३० सप्टेंबर रोजी शाळेजवळ व्हॅनमध्ये घडला. पोलिसांनी दिलेल्या माहितीनुसार पीडित मुलीया वानवडी येथील एका मोठ्या शाळेत शिक्षण घेतात. त्या स्कूलबसने शाळेत जातात. ३० सप्टेंबररोजी पीडित मुलगी ही व्हॅनमधून घरी येत होती. यावेळी तिची मैत्रीण देखील व्हॅनमध्ये होती. दोघीही व्हॅनमध्ये एकट्या होत्या. यावेळी आरोपी रेड्डीने ही संधी साधून दोन्ही मुलींवर लैंगिक अत्याचार केले.
