तीन हजार रुपये १० ऑक्टोबर रोजी लाभार्थी महिलांच्या खात्यात जमा होतील अशी घोषणाही अजित पवार यांनी केली.
बीड, दि. १ : महायुती सरकारने सुरू केलेल्या मुख्यमंत्री माझी लाडकी बहीण योजनेला महिलांचा चांगला प्रतिसाद मिळत आहे. पात्र महिलांच्या बँक खात्यात तिसऱ्या महिन्याच्या हफ्त्याची रक्कम जमा होत आहे. अजित पवार यांची जनसन्मान यात्रा बीड जिल्ह्यातील परळी येथे होती. या सभेत बोलताना अजित पवार म्हणाले की, ही योजना पुढील पाच वर्षे अशीच चालू राहील. तसेच भाऊबीजेची ओवाळणी म्हणून लाडकी बहीण योजनेचे ऑक्टोबर व नोव्हेंबर या महिन्याचे तीन हजार रुपये १० ऑक्टोबर रोजी लाभार्थी महिलांच्या खात्यात जमा होतील अशी घोषणाही अजित पवार यांनी केली. उपमुख्यमंत्री अजित पवार यांची राज्यभरात जनसन्मान यात्रा काढली आहे. सध्या त्यांचा दौरा मराठवाड्यात सुरू आहे. बीड जिल्ह्यातील माजलगाव येथे लाडक्या बहिणींशी संवाद साधताना अजित पवार यांनी पुन्हा एकदा बहिणींना लवकरच ओवाळणी मिळणार असल्याचं सांगितलं आहे.